كـان لكـ قلبـي مديـنـه ولاحـظ إنـي قلـت : ((كـــان))
يعنـي إنـتَ الحيـن واحـد ((خـارج حــدود المـدينـهـ))
لـيهـ مستغـرب كـلامي وليــهـ أعطـيـكـ الأمــان
وليهـ تَكْـذِب في كلامـكـ العـذر وينـكـ ووينـهـ
ما ألـومكـ كان قلبـكـ ثـارت أمواجـهـ وخـان
الخطــا منَّي لأني صرت فـي بحـركـ سفينـهـ
والسؤال اللَّي كتمتهـ وما نِطَـق فيـه اللسـان
كيف إيدكـ إطعنتني وآنا أحْسِبْهَـا أمينـهـ ..؟
جرحي ما يرضيهـ قلبكـ لو يجـي كلِّـهـ حنـان
لو تبــوس الجرح فيني ولـو تقبلهـا إيدينـهـ
يُوم أحبكـ قلت كلمهـ : ( يكرَم المرء أو يُهان )
وإنتَ قلبي ما كرمتهـ وما قدرت إنِّـك تهينـهـ
( عزِّتـي ).. ما هي جديدهـ آنا شامخ من زمان
إغسل إيدكـ من رجوعي وروح يا إبن اللذينه
طاب خاطر قلبي منِّكـ وهاذي الفرقـى رهـان
وحتَّى لو قلبي يحبــك ربِّـي بفراقـكـ يعينـهـ
تدري لما قلت أحبكـ قلت وما عنـدي ضمـان
وإختياري كان خاطىء تجربه بالحيـل شينـه
كنت تخطي وكنت أسامح مرَّه مرتين وثمـان
أدمح الزلهـ عشانكـ وأكتـم أنفـاس الغبينـهـ
كنت أحبكـ وكنت أعزكـ والغلا فينـي جبـان
اخاف تزعل لو ألومك ضعت ما بينـك وبينـه
في عيون الناس عادي بس في عيني جنـان
وكان قلبي من يشوفك تفضحهـ نظـرة حنينـهـ
ماني أوَّل من يحب ومنتَ آخر شخص خـان
المحبهـ في زمانكـ بحـــرها من غيـر مينـهـ
الفشل .. كان النتيجهـ وأعتقـد آن الأوان
أبني مستقبل حياتي وأنسى قصتنـا الحزينـهـ
وخطوتي الأولى غيابكـ وراح أطبقها عشـان
يبكي قلبكـ لا فقدني والندم .. يملـي سنينـهـ
جاي تسأل عن مكانكـ !! هو بقى فيني مكان ؟؟
الله يرحمها المشاعر اللي كانت لـكـ رهينـهـ
قلت لكـ قلبي ( مدينـهـ )فيها لك حشمهـ وشان
لكن إنتَ الحين أغرب شخص في هاذي المدينهـ